ملالہ یوسف زئی کے نکاح کی ویڈیو سوشل میڈیا پر وائرل

نکاح کے بعد ملالہ اور عصر ملک اپنے دوستوں کے ہمراہ تصاویر کھنچواتے ہوئے بہت خوش نظر آرہے ہیں

ویب ڈیسک November 10, 2021

نکاح کے بعد ملالہ اور ان کے شو ہر عصر ملک اپنے دوستوں کے ہمراہ تصاویر کھنچواتے ہوئے بہت خوش نظر آرہے ہیں فوٹواسکرین گریب

نوبیل انعام یافتہ ملالہ یوسف زئی کے نکاح کی ویڈیو سوشل میڈیا پر وائرل ہورہی ہے۔

گزشتہ روز پی سی بی کے جنرل مینجر عصر ملک کے ساتھ شادی کے بندھن میں بندھنے والی ملالہ یوسف زئی کے نکاح کی ویڈیوز سوشل میڈیا پر وائرل ہورہی ہے۔

ویڈیو میں دیکھا جاسکتا ہے کہ مولوی صاحب کے نکاح پڑھانے کے بعد دلہا دلہن ''قبول ہے'' کہتے ہوئے نظر آرہے ہیں جس کے بعد مولوی صاحب دعا کے لیے ہاتھ اٹھاتے ہیں۔

یہ بھی پڑھیں: ملالہ یوسف زئی کے شوہر کون ہیں؟

اس کے علاوہ نکاح کے بعد ملالہ اور ان کے شو ہر عصر ملک اپنے دوستوں کے ہمراہ تصاویر کھنچواتے ہوئے بہت خوش نظر آرہے ہیں۔

واضح رہے کہ ملالہ یوسف زئی گزشتہ روز پی سی بی کے جنرل مینجر عصر ملک کے ساتھ شادی کے بندھن میں بندھی تھیں۔ انہوں نے سوشل میڈیا پر تصاویر شیئر کرکے اس خوشخبری کا اعلان کیا تھا۔ دونوں کا نکاح برمنگھم میں ان کے گھر میں مختصر اور سادہ سی تقریب میں ہوا۔