میانمارمیں امریکی صحافی کو11 سال قیدکی سزا

امریکی صحافی رنگون کی جیل میں قید ہیں

ویب ڈیسک November 12, 2021

امریکی صحافی رنگون کی جیل میں قید ہیں

میانمار کی عدالت نے امریکی صحافی کو 11 سال قید کی سزا سنا دی۔

غیرملکی خبررساں ادارے کے مطابق 37 سالہ ڈینی فینسٹرکے وکیل تھان زاؤ آنگ نے سزا کی تصدیق کردی۔

ڈینی فینسٹرکوبغاوت، غیر قانونی ایسوسی ایشن اورامیگریشن قوانین کی خلاف ورزی کے الزامات پرسزا سنائی گئی۔

آن لائن نیوزمیگزین 'فرنٹیئر میانمار' کے مینیجنگ ایڈیٹرڈینی فینسٹرکومئی میں اس وقت گرفتارکیا گیا تھا جب وہ میانمارسے باہرجانے کی کوشش کررہے تھے۔ڈینی فیسٹررنگون کی جیل میں قید ہیں۔ ان کے کیس کی سماعت بھی خفیہ رکھی گئی تھی۔

فرنٹئیرمیانمارکے ایڈیٹران چیف تھامس کین کا کہنا تھا کہ ڈینی فینسٹرکوان الزامات کے تحت سزا دینے کا کوئی جواز نہیں تھا۔فرنٹئیر میانمار میں سب اس فیصلے سے مایوس ہیں۔

رواں برس فروری میں میانمار کی فوجی جنتا نے آنگ سان سوچی کی حکومت کو برطرف کر دیا تھا۔ آنگ سان سوچی فوجی بغاوت کے بعد سے اپنے گھر میں نظر بند ہیں۔