شائقین کرکٹ نےعالمی سروے میں پاکستان کو بہترین ٹیم قرار دے دیا

سروے کرکٹ کی معتبر ترین ویب سائٹ کرک انفو پر کیا جا رہا ہے۔ فوٹو: اسکرین گریب/ کرک انفو

---

انٹرنیشنل کرکٹ کونسل کی ایک روزہ کرکٹ کی رینکنگ میں تو آسٹریلیا کی بادشاعت ہے تاہم شائقین کرکٹ نے پاکستان کو ون ڈے کرکٹ کی بہترین ٹیم قرار دے دیا ہے ۔

کرکٹ کی معتبر ترین ویب سائٹ کرک انفو پر کیے جا رہے سروے میں شائقین کرکٹ سے ون ڈے کی بہترین کرکٹ ٹیم کے بارے میں پوچھا گیا ہے۔ ویب سائٹ پر اب تک 2 لاکھ 5 ہزار 859 ووٹ دیئے جا چکے ہیں، آخری رائے شماری تک پاکستانی ٹیم 54 ہزار 783 ووٹوں یعنی 26.61 کی اوسط سے پہلے نمبر پر ہے جبکہ بھارتی ٹیم 50 ہزار 559 ووٹوں یعنی 24.57 کی اوسط سے دوسری نمبر پر موجود ہے، اب تک کے تنائج میں جنوبی افریقا 49 ہزار 899 ووٹوں یعنی 24.24 کی اوسط سے تیسرے نمبر پر ہے۔

آئی سی سی رینکنگ میں پہلی پوزیشن پر موجود آسٹریلوی ٹیم چوتھے، بنگلہ دیش پانچویں ، نیوزی لینڈ چھٹے ، سری لنکا ساتویں اور انگلینڈ آٹھویں نمبر پر ہے۔