پاکستان کے6 مقامات آثار قدیمہ کی عالمی فہرست میں شامل

موئنجودڑو، مکلی، شاہی قلعہ، شالامار باغ، قلعہ روہتاس اور بدھ مت کی یادگاریں شامل

---

اقوام متحدہ کے ادارے یونیسکو نے پاکستان کے 6آثار قدیمہ اور یادگاروں کو یونیسکو ورلڈ ہیریٹیج کی فہرست میں شامل کرنے کیلیے حکومت کو سرٹیفکیٹ کے ساتھ خصوصی اسناد ارسال کر دیں۔

ذرائع سے معلوم ہوا ہے کہ یونیسکو کی انسپیکشن ٹیم نے2012ء میں ان تاریخی مقامات کی تفصیلی رپورٹ طلب کی تھی۔ سابق وفاقی وزیر برائے قومی ورثہ ثمینہ خالد گھرکی، سابق سیکریٹری قومی ورثہ آصف غفور نے دستاویزات یونیسکو کو ارسال کی تھیں۔



یونیسکو ورلڈ ہیریٹیج سینٹر فرانس نے موئنجوداڑو، مکلی ٹھٹھہ، بادشاہی قلعہ، شالامار باغ، قلعہ روہتاس جہلم، ٹیکسلا، تخت بھائی، شہر بہلوال مردان کے مقام پر بدھ مت کے آثار قدیمہ کو انٹرنیشنل ہیریٹیج لسٹ میںشامل کر لیا ہے۔