سپریم کورٹ میں زیر التوا مقدمات کی تعداد میں کمی

سپریم کورٹ میں زیر التوا مقدمات کی تعداد میں کمی آنے لگی اور یہ تعداد 54 ہزار سے کم ہوکر 53 ہزار 266 ہوگئی۔


ایکسپریس نیوز کے مطابق سپریم کورٹ نے زیر التواء مقدمات سے متعلق 15 روزہ رپورٹ جاری کردی۔ سپریم کورٹ کی رپورٹ کے مطابق 15 نومبر تک زیر التواء مقدمات کی تعداد 54 ہزار سے کم ہوکر 53 ہزار 266 ہوگئی۔

سپریم کورٹ کے مطابق گزشتہ دو ہفتوں میں 736 مقدمات نمٹائے گئے اسی طرح گزشتہ دو ہفتوں کے دوران 500 نئے مقدمات کا اندراج ہوا، دو اکتوبر کو عدالت عظمیٰ میں زیر التواء مقدمات کی تعداد 54 ہزار سے تجاویز کرگئی تھی۔