رہنما پی ٹی آئی لیلی پروین پرتشدد کرنے والوں کیخلاف مقدمہ درج

ملزمان نے سابق شوہرکیخلاف مقدمہ واپس نہ لینے پرتشدد کیا،لیلی پروین:فوٹو:سوشل میڈیا

---

پی ٹی آئی کی رہنما لیلی پروین اوران کے بھائی پرتشدد کرنے والوں کیخلاف مقدمہ درج کرلیا گیا۔

ملیر سٹی پولیس نے پاکستان تحریک انصاف کی رہنما لیلی پروین اور ان کے بھائی کو تشدد کا نشانہ بنانے، ایما،اسلحہ دکھا کر دھکمیاں دینے اور ہنگامہ آرائی سمیت دیگر دفعات کے تحت مقدمہ درج کرلیا۔

مدعیہ مقدمہ نے سابق شوہر سمیت نصف درجن سے زائد نامزد و دیگر نامعلوم صورت شناس کو نامزد کرایا ہے۔

گزشتہ روزملیرکورٹ میں لیلی پروین کے سابق شوہرکےساتھی وکلا نے لیلی پروین اوران کے بھائی کوتشدد کانشانہ بنایا تھا۔

پولیس کوبیان میں مدعی لیلی پروین کا کہنا تھا کہ 5سال قبل علی حسنین سے شادی ہوئی تھی اوررواں سال 11جون کوطلاق ہوگئی۔ علی حسنین سے ایک بیٹا برہان ہے جس کی عمر ساڑھے تین سال ہے۔

میرے بھائی مشتاق اقبال خان سے میرے سابق شوہر نے 65 لاکھ روپے قرض لیا تھا اور قرض واپسی کی مد میں علی حسنین نے میرے بھائی مشتاق اقبال کو 65 لاکھ روپے کا چیک دیا جو باؤنس ہونے پر میرے بھائی نے علی حسنین کے خلاف سائٹ سپر ہائی صنعتی ایریا تھانے میں چیک باؤنس کا مقدمہ درج کرایا۔

لیلی پروین کا کہنا تھا کہ پولیس نے21نومبرکومیرے سابق شوہرکوگرفتارکیا۔22نومبرکوملیرکی عدالت میں پیشی پر میرے سابق شوہر کے کہنے پرسعید شہزاد اورنصراللہ وکیل نے پستول دکھاتے ہوئے جان سے مارنے کی دھمکیاں دیں اورمقدمہ واپس لینے کے لئے دباؤ ڈالا۔

PTI women wing member Laila Parveen got brutally beaten by her ex husband’s lawyers and team at the Malir court in Karachi !

we all support her for justice… but this is horrible and sad state of legal fraternity !#Pakistan @NilofarBkhtiar @KhurumSherZaman @DrNausheenPTI pic.twitter.com/S1rBOVbh0c

— •Sidra Imran• (@imran_sidra) November 22, 2021

انکارکرنے پر سعید شہزاد ، نصراللہ ، اکبر ، محمد علی ، عاطف ، میر مختیار اور جنید سمیت دیگر 20 سے 25 نامعلوم صورت شناس نے مجھے اور میرے بھائی مشتاق اقبال کو مارا پیٹا اور مجھے بالوں سے پکڑ کر گھسٹتے رہے جس سے میری عزت مجروع ہوئی۔

This is very unfair with a Women, Pakistani educated lady and PTI worker, if justice will not given to Laila Parveen, it will create an impact that women is not safe in our society. Why roots of Justice are very poor in "ISLAMIC REPUBLIC OF PAKISTAN", pic.twitter.com/veAjrTuEVG

— Musarrat Shah (@ShahMusarrat2) November 23, 2021

لیلی پروین کا کہنا تھا کہ ملزمان کے تشدد سے نہ صرف اندرونی اوربیرونی چوٹیں آئیں بلکہ مارپیٹ کے دوران سونا کا جو زیورپہننا تھا وہ بھی گرگیا۔

لیلی پروین نے ملزمان کیخلاف قانونی کارروائی کی استدعا کی۔