پاکستان میں کورونا وائرس سے مزید 9 افراد جاں بحق 350 نئے کیس رپورٹ

گزشتہ 24 گھنٹوں کے دوران کورونا کے مثبت کیسز کی شرح 0.92 فیصد رہی۔

ویب ڈیسک November 24, 2021

گزشتہ 24 گھنٹوں کے دوران کورونا کے مثبت کیسز کی شرح 0.92 فیصد رہی۔

پاکستان میں کورونا وائرس سے مزید 9 افراد جاں بحق ہوگئے۔

نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران ملک میں 38 ہزار 38 کورونا ٹیسٹ کیے گئے جس میں سے 350 افراد کے ٹیسٹ مثبت آئے جس کے نتیجے میں مثبت کیسز کی شرح 0.92 فیصد رہی۔

Statistics 24 Nov 21:
Total Tests in Last 24 Hours: 38,038
Positive Cases: 350
Positivity %: 0.92%
Deaths : 9
Patients on Critical Care: 1007
— NFRCC (@NFRCCofficial) November 24, 2021

این سی او سی کے مطابق گزشتہ 24 گھنٹوں کے دوران کورونا کے باعث 9 اموات رپورٹ ہوئیں جس کے ساتھ ہی اموات کی تعداد 28 ہزار 677 ہوگئی جب کہ کورونا کیسز کی مجموعی تعداد 12 لاکھ 82 ہزار 860 ہوگئی ہے۔ اس وقت فعال کیسز کی تعداد 14 ہزار 188 ہے۔

کورونا وائرس اوراحتیاطی تدابیر:

کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلا کربیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔