مقبوضہ کشمیرمیں بھارت کی ریاستی دہشت گردی مزید 3 کشمیری شہید

قابض بھارتی فوج کے ہاتھوں جعلی مقابلوں میں کشمیری نوجوانوں کے قتل کیخلاف مقبوضہ کشمیرمیں ہڑتال ہے۔

ویب ڈیسک November 25, 2021

بھارتی فورسزکا نام نہاد آپریشن،مختلف علاقوں میں انٹرنیٹ اورموبائل سروس بند کردی گئی:فوٹو:فائل

مقبوضہ کشمیرمیں قابض بھارتی فورسزنے مزید3کشمیری نوجوانوں کوشہید کردیا۔

کشمیرمیڈیا سروس کے مطابق بھارتی فورسزنے ریاستی دہشتگردی کا مظاہرہ کرتے ہوئے تین کشمیری نوجوانوں کوسرینگرمیں جعلی مقابلے میں شہید کیا۔قابض بھارتی فوجیوں نے علاقے کی ناکہ بندی کردی۔سرچ آپریشن کے نام پربھارتی فوجی گھروں میں گھس کرکشمیریوں کوہراساں کررہے ہیں۔سرینگراوردیگرعلاقوں میں موبائل اورانٹرنیٹ سروس بھی بند کردی گئی ہے۔

کشمیری نوجوانوں کے بھارتی فورسزکے ہاتھوں جعلی مقابلوں میں قتل کیخلاف مقبوضہ وادی میں آج مکمل ہڑتال ہے۔

دکانیں،کاروباری مراکزاورٹرانسپورٹ بند رہے گی۔ ہڑتال کی اپیل آل پارٹیزحریت کانفرنس کے اسیرچئیرمین مسرت عالم بٹ نے کی ہے۔ مسرت عالم دلی کی تہاڑجیل میں قید ہیں۔

بھارتی فورسزنے کشمیریوں کواحتجاجی ریلیاں نکالنے سے روکنے کے لئے سڑکوں پررکاوٹیں کھڑی کردیں۔