پاکستان کا بیلسٹک میزائل شاہین ون اے کا کامیاب تجربہ

کام یاب تجربے پر صدر مملکت، وزیراعظم اور مسلح افواج کے سربراہان کی سائنس دانوں اور انجینئرز کومبارک باد۔(فوٹو: فائل)

---

پاکستان نے زمین سے زمین تک مار کرنے والے بیلسٹک میزائل شاہین 1 اے کا کامیاب تجربہ کرلیا ہے۔

آئی ایس پی آر کے مطابق پاکستان نے زمین سے زمین تک مار کرنے والے بیلسٹک میزائل شاہین 1 اے کا کامیاب تجربہ کر لیا ہے۔ آزمائشی پرواز کا مقصد ہتھیاروں کے نظام کے مخصوص ڈیزائن اور تکنیکی پیرامیٹرز کی دوبارہ تصدیق کرنا تھا۔

فلائٹ ٹیسٹ کو ڈی جی اسٹریٹیجک پلانز ڈویژن لیفٹیننٹ جنرل ندیم ذکی منج، چیئرمین نیسکام رضا ثمر، لیفٹیننٹ جنرل محمد علی اور اسٹریٹجک اداروں کے سائنس دان اور انجینئرز نے دیکھا۔

#Pakistan today conducted successful flight test of Shaheen-1A surface to surface ballistic missile. The test flight was aimed at re-validating certain design and technical parameters of the weapon system. pic.twitter.com/UuZ8i2PqER

— DG ISPR (@OfficialDGISPR) November 25, 2021

صدر مملکت ڈاکٹرعارف علوی، وزیراعظم عمران خان، چیئرمین جوائنٹ چیفس آف اسٹاف کمیٹی اور مسلح افواج کے سربراہان اور ڈی جی اسٹریٹیجک پلانز ڈویژن نے کام یاب میزائل تجربے پر سائنس دانوں اور انجینئرز کومبارک باد پیش کی، جب کہ لیفٹیننٹ جنرل ندیم ذکی منج نے سائنس دانوں اور انجینئروں کی تکنیکی صلاحیت، لگن اور عزم کو سراہا۔