صوبائی اعلیٰ تعلیمی کمیشن قائم ڈاکٹر عاصم حسین چیئرمین مقرر

ڈاکٹرعاصم حسین کی بحیثیت چیئرمین صوبائی اعلیٰ تعلیمی کمیشن تقررکیے جانے کاباقاعدہ نوٹیفیکیشن جاری کردیاگیا۔ فوٹو: فائل

---

وفاقی اعلیٰ تعلیمی کمیشن کے قیام کے10 برس بعد سندھ میں بھی صوبائی سطح پر اعلیٰ تعلیمی کمیشن قائم کردیاگیاہے اوروزیراعلیٰ سندھ سیدقائم علی شاہ نے ضیاالدین یونیورسٹی کے چانسلراورسابق وفاقی وزیر پٹرولیم ڈاکٹر عاصم حسین کوصوبائی اعلیٰ تعلیمی کمیشن کاچیئرمین مقررکردیاہے۔

ڈاکٹرعاصم حسین کی بحیثیت چیئرمین صوبائی اعلیٰ تعلیمی کمیشن تقررکیے جانے کاباقاعدہ نوٹیفیکیشن جاری کردیاگیاہے نوٹیفکیشن چیف سیکریٹری سندھ سجادسلیم ہوتیانہ کی جانب سے جاری کیا گیا جس کے مطابق وزیراعلیٰ سندھ سیدقائم علی شاہ صوبائی اعلیٰ تعلیمی کمیشن کی کنٹرولنگ اتھارٹی اورڈاکٹرعاصم حسین کمیشن کے چیئرمین ہونگے۔