نصف رات کو جب اچانک سیلابی ریلا ڈیرہ غازیخان میں داخل ہوا تو بیشتر افراد سو چکے تھے۔

تاہم سیلاب کی آمد کا سنتے ہی ہر طرف افراتفری مچ گئی۔ لوگ اپنے بچوں اور صرف قیمتی سامان کو لے کر محفوظ مقامات کی طرف بھاگ پڑے۔ سیلابی پانی کئی افراد کی کل زندگی کا اثاثہ' کئی لڑکیوں کا جہیز اور دیگر سامان نگل گیا۔ لوگ اپنے قیمتی سامان کو برباد ہوتے دیکھ کر آبدیدہ ہوگئے اور کئی رقت آمیز مناظر دیکھنے کو ملے۔ کئی متاثرین ملتان' مظفر گڑھ سمیت مختلف شہروں میں اپنے عزیزوں کے ہاں منتقل ہوگئے۔