پیٹ کمنز آسٹریلیا کے کپتان مقرر ٹم پین کا بریک لینےکا فیصلہ

اسٹیو اسمتھ ان کے نائب ہوں گے ۔

Muhammad Yousuf Anjum November 26, 2021

اسٹیو اسمتھ ان کے نائب ہوں گے ۔

ٹم پین کی جگہ پیٹ کمنز کو آسٹریلوی ٹیم کا نیا کپتان مقرر کردیا گیا۔ اسٹیو اسمتھ ان کے نائب ہوں گے ۔

نازیبا میسیجز اسکینڈل سامنے آنے پر کپتانی سے ہاتھ دھونے والے ٹم پین نے ذہنی طورپر پرسکون ہونے کے لیے غیر معینہ مدت کے لیے کرکٹ سے دوری اختیار کرلی ہے۔

کرکٹ آسٹریلیا کے مطابق پیٹ کمنز نے کپتانی کی ذمہ داری ملنےکو اعزاز قرار دیاہے، پیٹ کمنز کا کہناہےکہ ٹم پین نے بطور لیڈر جس طرح ٹیم کو کامیابی کی راہ پر گامزن کیاہے، ان کی بھی کوشش ہوگی کہ فتوحات کے یہ تسلسل قائم رکھ کر ملک کا نام کھیل میں مزید اونچا کریں۔ اسٹیو اسمتھ اور ان جیسے دوسرے تجربہ کار کھلاڑیوں کی مشاورت سے اس ذمہ داری کو اچھے انداز میں نبھانے کی کوشش ہوگی۔

یہ بھی پڑھیں: ٹم پین کا آسٹریلیا کی ٹیسٹ کپتانی چھوڑنے کا اعلان

دوسری جانب اسٹیو اسمتھ نے بھی نائب کپتان بننےپر خوشی کا اظہار کرتےہوئے پیٹ کمنز کی بھرپور معاونت کا عزم ظاہر کیاہے۔

واضح رہے کہ انگلینڈ اور آسٹریلیا کے درمیان روایتی ایشز سیریز کا آغازآٹھ دسمبر سے ہورہاہے۔