قبضے میں لی گئی منشیات میں 34.8 کلو گرام چرس اور 22.8 کلوگرام افیون شامل ہے، اے این ایف۔ فوٹو:فائل
حکام کے مطابق اے این ایف راولپنڈی اور اے این ایف انٹیلجنس نے مشترکہ آپریشن کے دوران اسلام آباد، پشاور موٹر وے انٹر چینج پر کارروائی کرتے ہوئے اسلام آباد اسمگل ہونے والی بھاری مقدار میں منشیات قبضے میں لے کر خاتون سمیت 2 ملزمان کو گرفتار کرلیا۔
حکام نے بتایا کہ گاڑی میں نصب سی این جی سیلنڈر اور خفیہ خانوں میں انتہائی مہارت سے چھپائی گئی منشیات کا وزن مجموعی طور پر57 کلو گرام ہے، جس میں 34.8 کلو گرام چرس اور 22.8 کلوگرام افیون شامل ہے۔
اے این ایف کے مطابق کارروائی میں 3 ملزمان کو گرفتار کیا گیا ہے، جن کی شناخت خاتون شمائلہ، عنایت اللہ اور گلزار خان کے نام سے ہوئی ہے، گلزار اور شمائلہ کا تعلق اٹک جب کہ عنایت اللہ صوابی کا رہنے والا ہے۔ مُلزمان کے خلاف مُقدمہ درج کر کے مزید تفتیش جاری ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔