بھارتپہلی جماعت کا بچہ پینسل چوری کی شکایت درج کرانے تھانے پہنچ گیا

بھارت میں پرائمری کلاس کا بچہ پینسل چوری ہونے کی رپورٹ درج کرانے تھانے پہنچ گیا۔

بھارتی میڈیا کے مطابق ریاست آندھرا پردیش کے کرنول ضلع کے تھانے کا عملہ اس وقت حیران رہ گیا جب پہلی جماعت کا طالب علم اپنے دوستوں کے ساتھ پینسل چوری ہونے کی شکایت لے کے تھانے پہنچ گیا۔


بچے کا کہنا تھا کہ اس کے ایک ساتھی نے پینسل مانگی تھی جوواپس نہیں کی لہذا اس کے خلاف پینسل چوری کی شکایت درج کی جائے۔ دلچسپ بات یہ ہے کہ جس بچے کیخلاف پینسل چوری کی شکایت تھی وہ بھی تھانے جانے والے گروپ میں شامل تھا۔

تھانے دارنےدونوں بچوں کی شکایت سننے کے بعد سمجھا بجھا کرمعاملہ حل کرایا اوردونوں بچوں کوہاتھ ملوائے اوردوستی کروا دی۔تھانے دارکا کہنا تھا کہ یہ اپنی نوعیت کا ایک انوکھی شکایت تھی پہلے کبھی ایسا کوئی کیس نہیں آیا۔