بھارت میں جاری جونئیرہاکی ورلڈکپ میں پاکستان نے مصر کو 1 کےمقابلے میں 3 گول سے شکست دے دی ۔

بھارت کے شہربھنونیشور میں کھیلے گئے میچ میں پاکستان کی جانب سے رضوان نے پنالٹی کارنر پر تین گول کرکے ہیٹ ٹرک بنائی۔ مصر کا واحد گول الغیدی نے کیا۔

پاکستان نے مصر کے خلاف میچ میں گول کرنے کےکئی یقینی مواقع ضائع کیے جس کی وجہ سے مصر جیسی کمزور ٹیم کے خلاف توقعات کے برعکس زیادہ گول مارجن سے کامیابی نہ مل سکی۔

پاکستان اگلا اہم میچ اتوار کو ارجنٹائن کے خلاف کھیلے گاجس میں کامیابی اسے کوارٹر فائنل کے قریب کردے گی۔ شکست کی صورت میں پاکستان سپرایٹ راونڈ سے باہر ہوسکتاہے۔