پی آئی اے نے سعودی عرب کی پروازوں کے لیے بکنگ کا آغاز کردیا۔

پی آئی اے کی انتظامیہ کے مطابق سعودی عرب کے لیے پروازوں کا شیڈول جاری کردیا گیا۔ پی آئی اے یکم دسمبرسے سعودی عرب کے لیے ہفتہ وار 35 پروازیں آپریٹ کرے گی۔

پی آئی اے کا کہنا ہے کہ جدہ ،مدینہ، ریاض،دمام اورالقسیم کے لیے پروازیں چلائی جائیں گی۔ سعودی عرب کے لئے پروازیں کراچی، لاہور،ملتان، اسلام آباد اورپشاور سے روانہ ہوں گی۔

سعودی حکومت نے پاکستان سمیت 6ممالک کے مسافروں کو براہ راست سعودی عرب میں داخلے کی اجازت دے دی ہے۔