شمالی وزیرستان میں دہشت گردوں کا ملٹری پوسٹ پر حملہ 2 جوان شہید

سیکیورٹی فورسز نے علاقے میں دہشتگردوں کی تلاش میں سرچ آپریشن شروع کردیا - فوٹو:فائل

---

شمالی وزیرستان میں دہشت گردوں نے ملٹری پوسٹ پر حملہ کر کے 2 جوانوں کو شہید کردیا۔

پاک فوج کے شعبہ تعلقات عامہ (آئی ایس پی آر) کے مطابق دہشت گردوں نے شمالی وزیر ستان دتہ خیل میں ملٹری پوسٹ پر حملہ کیا، حملہ کے دوران دہشت گردوں اور سیکیورٹی فورسز میں شدید فائرنگ کا تبادلہ ہوا۔

آئی ایس پی آر کا کہنا ہے کہ فائرنگ کے تبادلے میں 2 جوان شہید ہوئے جن میں 22 سالہ ٹانک کے رہائشی لانس نائیک عارف اور 27 سالہ چترال کے رہائشی لانس نائیک رحمان شامل ہیں۔

سیکیورٹی فورسز نے علاقے میں سرچ آپریشن شروع کردیا۔