طالبان کا موقف جاننے کے بعد ہی حکومتی کمیٹی سے بات ہوگی کوآرڈینٹرطالبان کمیٹی

مولانا عبدالعزیز اور طالبان کے ترجمان شاہد اللہ شاہد نے مذاکرات کو شریعت کے نفاذ سے مشروط کرنے کی بات کی ہے۔ فوٹو؛ فائل

---

طالبان کی جانب سے نامزد کردہ کمیٹی کے کوآرڈینیٹر مولانا یوسف شاہ نے کہا ہے کہ طالبان کا موقف سامنے آنے کے بعد آئین یا شریعت پر حکومتی کمیٹی سے بات کی جائے گی۔

ایکسپریس نیوز سے بات کرتے ہوئے طالبان کی نامزد کردہ کمیٹی کے کوآرڈینٹر مولانا یوسف شاہ کا کہا تھا کہ طالبان سے تاحال کوئی رابطہ نہیں ہوا ہے، طالبان سے رابطے کے بعد ہی حکومتی کمیٹی سے آئین یا شریعت کے نفاذ سے متعلق بات کی جائے گی۔

واضح رہے کہ طالبان اور حکومت کی جانب سے نامزد کردہ کمیٹیوں کے درمیان مذاکرات کا باقاعدہ آغاز ہو چکا ہے جبکہ طالبان کمیٹی کے رکن مولانا عبدالعزیز اور کالعدم تحریک طالبان پاکستان کے ترجمان شاہد اللہ شاہد نے مذاکرات کو شریعت کے نفاذ سے مشروط کرنے کی بات کی ہے۔