آل راؤنڈر سہیل تنویر رشتہ ازدواج میں منسلک ہو گئے

دعا ہے کہ آنے والے ورلڈ کپ میں سہیل تنویر اپنی کارکردگی سے ملک و قوم کا نام روشن کرے، کومل۔ فوٹو؛ ایکسپریس نیوز

---

قومی ٹیم کے آل راؤنڈر سہیل تنویر راولپنڈی میں شادی کے بندھن میں بندھ گئے جبکہ دلہن کا کہنا ہے کہ وہ بہت خوش قسمت ہےکہ انہیں سہیل تنویرجیسا شوہر ملا۔

ایکسپریس نیوز کے مطابق سہیل تنویرکی بارات میرج ہال پہنچی تو ڈھول کی تھاپ پر خوب بھنگڑے ڈال کران کا شاندار استقبال کیا گیا، سہیل تنویرکی شادی کی تقریب میں رشتہ داروں اور دوستوں نےتوبھرپورشرکت کی تاہم کوئی ساتھی کرکٹریا سیاسی شخصیت نہ آئی۔ سہیل تنویر اپنی زندگی کی اس اہم اننگزکےموقع پرنہایت خوش نظرآئے۔

سہیل تنویر کی شریک سفر بننے والی دولہن کومل تنویر میڈیکل کی اسٹوڈنٹ ہیں، کومل کا کہنا تھا وہ بہت خوش قسمت ہیں کہ انہیں سہیل تنویرجیسا شوہر ملا ہے۔ کومل تنویر نے اس خواہش کا اظہار کیا کہ دعا ہے کہ آنے والے ورلڈ کپ میں سہیل تنویر اپنی کارکردگی سے ملک و قوم کا نام روشن کریں۔