بنوں میں فائرنگ سے میاں بیوی اور بیٹی قتل

شیرو بڈخیل میں نامعلوم افراد نے فائرنگ کر کے میاں، بیوی اور ان کی بیٹی کو قتل کر دیا۔


پولیس کے مطابق بنوں کے علاقے شیرو بڈ خیل میں نامعلوم افراد نے ایک گھر میں گھس کر اندھا دھند فائرنگ کر دی جس کے نتیجے میں گھر میں سوئے ہوئے میاں بیوی اور بیٹی موقع پر ہی جاں بحق ہوگئے۔ واقعے کے بعد ملزمان فرار ہونے میں کامیاب ہو گئے جبکہ لاشوں کو پوسٹ مارٹم کے لئے اسپتال منتقل کر دیا گیا ہے۔

پولیس حکام کا کہنا ہے کہ واقعے کا مقدمہ درج کر کے تحقیقات کا آغاز کر دیا گیا ہے اور مکمل تحقیقات کے بعد ہی قتل کی اصل وجوہات سامنے لائی جا سکیں گی۔