ای وی ایم و آئی ووٹنگ حکومتی کمیٹی کو الیکشن کمیشن سے رابطے کی ہدایت

لاہور:
وزیراعظم عمران خان نے ہدایت کی ہے کہ حکومتی رابطہ کمیٹی الیکشن کمیشن کے ساتھ مل کر جلد از جلد نئی قانون سازی پر عملدرآمد کیلئے اقدامات کرے۔

حکومت الیکٹرانک ووٹنگ مشین اور آئی ووٹنگ کیلیے بضد ہے، اس ضمن میں نئی قانون سازی کو قابل عمل بنانے کیلیے حکومتی رابطہ کمیٹی کا نوٹیفکیشن جاری کر دیا گیا۔


وفاقی وزیر شبلی فراز کی سربراہی میں حکومتی کمیٹی کا سیکریٹریٹ وزارت پارلیمانی امور میں قائم کیا گیا ہے۔ وفاقی کابینہ کے اجلاس کی اندرونی کہانی کے مطابق وزیراعظم عمران خان نے ہدایت کی ہے کہ حکومتی رابطہ کمیٹی الیکشن کمیشن کے ساتھ مل کر جلد از جلد نئی قانون سازی پر عملدرآمد کیلئے اقدامات کرے۔

کابینہ ذرائع کے مطابق کمیٹی الیکشن کمیشن کی جانب سے آئی ووٹنگ اور ای وی ایم پر اعتراضات، مطالبات کا جائزہ لے گی۔