اسلام آباد کے سیکڑوں سرکاری اساتذہ کا پارلیمنٹ ہاؤس کے سامنے دھرنا پولیس سے جھڑپ

اساتذہ نے ڈی چوک تک ریلی نکالی اور خاردار تاریں اور رکاوٹیں ہٹاکر پارلیمنٹ ہاؤس پہنچ گئے

ویب ڈیسک December 02, 2021

اساتذہ نے ڈی چوک تک ریلی نکالی اور خاردار تاریں اور رکاوٹیں ہٹاکر پارلیمنٹ ہاؤس پہنچ گئے

آرڈیننس کے ذریعے اسلام آباد کے تعلیمی ادارے میونسپل کارپوریشن کے ماتحت کرنے پر اساتذہ تیسرے روز بھی سراپا احتجاج ہیں۔

وفاقی دارالحکومت کے سرکاری تعلیمی اداروں میں تعلیمی سرگرمیاں معطل ہوئے تین روز گزر گئے۔ جوائنٹ ایکشن کمیٹی کے تحت آج تمام اسکولوں میں ہڑتال و بائیکاٹ کرتے ہوئے سیکڑوں اساتذہ و غیر تدریسی ملازمین پریس کلب کے سامنے پہنچ گئے۔

وفاقی دارالحکومت اسلام آباد کے سرکاری تعلیمی اداروں کے ہزاروں اساتذہ اور طالب علموں نے تمام رکاوٹیں عبور کرکے پارلیمنٹ کی طرف پیش قدمی شروع کی۔حکومت کی جانب سے تعلیمی اداروں کو میئر اسلام آباد کے زیر انتظام لانے پر اسلام آباد بھر میں مظاہرے pic.twitter.com/gyCDADiFdC
— Abdullah Momand (@AbdullahMomandJ) December 2, 2021

انہوں نے پریس کلب سے ڈی چوک تک ریلی نکالی اور ڈی چوک پر لگائی گئی خاردار تاریں اور رکاوٹیں ہٹا دیں۔ اس دوران پولیس اور اساتذہ میں ہاتھا پائی بھی ہوئی۔

Outside the Parliament #TeachersProtest pic.twitter.com/v038MaUNR3
— Asma Shirazi (@asmashirazi) December 2, 2021

سیکڑوں ٹیچرز پارلیمنٹ ہاؤس کے سامنے پہنچ گئے اور دھرنا دے دیا۔ ٹیچرز کی جانب سے حکومت کے خلاف شدید نعرے بازی کی گئی۔ مظاہرین نے کہا کہ مطالبات منظور ہونے تک احتجاج جاری رہے گا۔

https://twitter.com/i/status/1466316143887532034