کورونا کے باوجود 3 سال میں 11 لاکھ لوگوں کو تو صرف بیرون ملک نوکری ملی ہے فواد چوہدری

اگلے دو سالوں میں پوری امید ہے 20 لاکھ لوگ بیرون ملک جائیں گے، وزیراطلاعات۔ فوٹو: فائل

---

WASHINGTON: وزیراطلاعات فواد چوہدری نے کا کہنا ہے کہ کورونا کے باوجود تین سال میں 11 لاکھ لوگوں کو تو صرف بیرون ملک نوکری ملی ہے۔

سماجی رابطے کی ویب سائٹ ٹویٹر پر اپنی ٹویٹ میں وزیراطلاعات فواد چوہدری کا کہنا تھا کہ کورونا کے باوجود تین سال میں 11 لاکھ لوگوں کو تو صرف بیرون ملک نوکری ملی ہے، اگلے دو سالوں میں پوری امید ہے 20 لاکھ لوگ بیرون ملک جائیں گے، ان کی تفصیل اس طرح ہے۔ فواد چوہدری نے اپنی ٹویٹ میں تفصیلات بھی شیئر کی ہیں جن میں واضح ہے کہ کتنی تعداد میں پاکستانی کن کن ممالک میں گئے ہیں۔

کرونا کے باوجود تین سال میں گیارہ لاکھ لوگوں کو تو صرف بیرون ملک نوکری ملی ہے، اگلے دو سالوں میں پوری امید ہے بیس لاکھ لوگ بیرون ملک جائیں گے، ان کی تفصیل اسطرح ہے pic.twitter.com/Fm7JQb9os1

— Ch Fawad Hussain (@fawadchaudhry) December 2, 2021

اس سے قبل ٹویٹ میں وزیراطلاعات کا کہنا تھا کہ الیکش کمیشن کا ای وی ایم اور بیرون ملک پاکستانیوں کی ووٹنگ کے امور پر ٹیکنیکل کمیٹیاں بنانےکا فیصلہ انتہائی احسن ہے، پارلیمان کے فیصلے تمام اداروں کے لئے مقدم ہیں، انتخابات میں الیکشن کمیشن کے چیئرمین اور ممبران کا کردارانتہائی اہم ہے، اور حکومت ان معاملات پر الیکشن کمیشن سے ہر ممکن تعاون کرے گی۔