ایکسپریس کی خبر پر نوٹس مرغیوں سے بھرا چھینا گیا ٹرک برآمد2 ملزمان گرفتار

واردات میں بعض بااثر مرغی کے آڑھتی ملوث تھے۔

---

روزنامہ ایکسپریس کی خبر کا ایس ایس سانگھڑ نے نوٹس لے لیا۔

لاکھوں روپے مالیت کی مرغی سے بھرا ٹرک چھیننے میں ملوث بین الصوبائی گروہ کا سرغنہ گرفتار، مرغی سمیت دیگر سامان برآمد ، ایس ایس پی ڈاکٹر فرخ علی لنجار کی ہدایات پر کھپرو پولیس نے برائلر مرغی سے بھرا چھینا گیا ٹرک مقابلے کے بعد برآمد کر لیا جس میں لاکھوں روپے مالیت کی مرغی دیگر سامان تھا۔پولیس نے علی نواز مری سمیت 2 افراد کو گرفتار کر لیا جو بین الصوبائی گروہ کا سرغنہ بتایا جاتا ہے معلوم ہوا ہے اب تک کراچی حیدرآباد، میرپورخاص کے تاجروں کے مرغی سے بھرے کئی ٹرک چھینے جاچکے ہیں، واردات میں بعض بااثر مرغی کے آڑھتی ملوث تھے۔



جو تاوان کیادائیگی کے بعد ٹرک واپس کرتے جس کی نشاندہی روزنامہ ایکسپریس نے کی تھی جس کا ایکشن ایس ایس پی نے لیتے ہوئے ملزمان کے خلاف تھانہ مقدمہ درج کرکے مزید تفتیش شروع کر دی۔ ایس ایس پی نے رابطہ کرنے پر بتایا کہ مرغی سے بھرے ٹرک غائب ہونے کی اطلاعات آڑھتی ہمیں نہیں دیتے، انھیں چاہیے کہ وہ رپورٹ درج کرائیں، ملزموں کا جڑ سے خاتمہ کر دیا جائے گا۔