وزیرداخلہ کی ایف آئی اے کیلیے پالیسی ویژن بنانے کی ہدایت

2 لڑکیوں کے بغیر کلیئرنس داخلے پر برہمی، امیگریشن سیل جدید بنانے کاحکم دے دیا

یعقوب ملک/Numainda Express February 09, 2014

غیرملکی لڑکیوں کے معاملے پربااثرافراد کا دباؤ، ایف آئی اے ٹیم کودباؤ کاسامنا ہے،ذرائع۔ فوٹو: اے پی پی/ فائل

وفاقی وزیرداخلہ چوہدری نثارعلی خان نے ایف آئی اے کی کارکردگی بہتربنانے کے لیے ایک ہفتے کے اندر پالیسی ویژن تیارکرنے کی ہدایت کرتے ہوئے کہا ہے کہ بدعنوانی روکنے کے حوالے سے تحقیقاتی عمل کی رفتار بڑھائی جائے۔

وزیرداخلہ نے ایف آئی اے، نیکٹا اور اسلام آبادپولیس کے اجلاس کی صدارت کرتے ہوئے قائم مقام ڈی جی ایف آئی اے کو ہدایت کی کہ بدعنوانی کے خاتمہ کے لیے ایف آئی اے کو صف اول کا ادارہ بنایا جائے۔انھوں نے بری شہرت والے افسران کی فہرست تیارکرنے ایف آئی اے سے نکال باہرکرنے کے احکام بھی جاری کیے۔انھوں نے ایف آئی اے عملہ کی تنخواہوںکے پیکج اور اسٹاف کی قلت کے مسائل پرقابو پانے کے لیے وزارت داخلہ کوسمری ارسال کرنے کا بھی کہا ہے۔

وزیرداخلہ نے 2غیر ملکی لڑکیوںکے بغیرامیگریشن پاکستان داخلے کے حالیہ واقعے پر برہمی کا اظہارکیااورکہا ہے کہ پورے ملک میں امیگریشن سیلزکو جدید خطوط پر استوارکیا جائے۔اسلام آباد میں سیکیورٹی صورتحال سے متعلق وزیر داخلہ نے آئی جی اسلام آبادکوکہا ہے کہ سیکیورٹی چیک پوائنٹس پر نگرانی کا عمل موثر اور مضبوط بنایا جائے اور ناکوں پر تعینات پولیس افسران کی ڈیوٹی 8گھنٹے کی جائے۔آن لائن کے مطابق وزیر داخلہ نے کہا ہے کہ ایف آئی اے کی کارکردگی بہتر بنانے کیلیے حکومت نے اسے سیاست سے پاک کیا ہے، ایف آئی اے کو فرنٹ لائن ایجنسی بنانے کیلیے تمام ٹارگٹ بر وقت پورے کیے جائیں اور میگا کرپشن کے تحقیقاتی عمل کومکمل کر کے لوٹی ہوئی رقم قومی خزانے میں جمع کروائی جائے۔

photo 4_zps142562a4.jpg

وفاقی وزیرداخلہ چوہدری نثارعلی خان نے بینظیربھٹوانٹرنیشنل ایئرپورٹ سے امیگریشن کے بغیر 2غیرملکی لڑکیوںکے باہرلے جانے کے واقعے میں ملوث ملزمان کی گرفتاری کا حکم دیاہے۔ وزیرداخلہ نے ایف آئی اے حکام کو ہدایت کی کہ ملزمان کی گرفتاری کے لیے کسی قسم کے دبائوکوخاطر میں نہ لایاجائے۔وزیرداخلہ چوہدری نثارعلی خان کی صدارت میں وزارت داخلہ میں اہم اجلاس منعقدہوا۔ایف آئی اے کے قائم مقام ڈائریکٹرجنرل غالب بندیشہ اوردیگر حکام نے اجلاس میںشرکت کی۔ایف آئی اے حکام نے وزیر داخلہ کوواقعے کے پس منظر، موجودہ صورتحال اور مفرور ملزمان سے متعلق خفیہ معلومات سے آگاہ کیا۔ذرائع کے مطابق وزیرداخلہ نے ایف آئی اے حکام کوہدایت کی کہ کسی قسم کے دبائوکوخاطر میں نہ لاتے ہوئے ملوث ملزمان کی گرفتاری یقینی بنائی جائے۔

اس واقعے کا مقدمہ 3فروری کودرج ہوا تھا،مرکزی ملزم اویس بہرام بلوچ اوردونوںلڑکیاں اس وقت سے غائب ہیں۔ذرائع کے مطابق ملزمان اسلام آبادکے ایک فارم ہائوس میں پناہ لیے ہوئے ہیںاوربااثرسیاسی شخصیات انھیں بچانے کی کوشش کررہی ہیںاورایف آئی اے کی تحقیقاتی ٹیم کو بہت زیادہ دبائوکاسامناہے ۔غیرملکی لڑکیوںکی کلیئرنس اورامیگریشن کے معاملے میں اہم کردار اداکرنے والاکانسٹیبل شہزاد پہلے سے گرفتارہے اور ایف آئی اے کی تحقیقاتی ٹیم ملزم سے تفتیش کررہی ہے ۔آئی این پی کے مطابق وزارت داخلہ نے امیگریشن اسکینڈل میں ملوث ملازمین اوردونوں غیر ملکی خواتین کے نام ای سی ایل میں شامل کردیے ہیں۔