سیالکوٹ واقعہ پر وزیراعظم کا سری لنکن صدر سے رابطہ ملزمان کے خلاف کارروائی کی یقین دہانی

سری لنکا کے صدر کو 100 سے زائد لوگوں کو گرفتار کرنے کی اطلاع دی، عمران خان

ویب ڈیسک December 04, 2021

سری لنکن کے صدر کو 100 سے زائد لوگوں کو گرفتار کرنے کی اطلاع دی، عمران خان - فوٹو:فائل

کراچی: وزیراعظم عمران خان نے سیالکوٹ واقعے پر سری لنکا کے صدر سے رابطہ کر کے انہیں ملزمان کے خلاف تمام وسائل کے ساتھ مقدمہ چلانے کی یقین دہانی کرائی ہے۔

سماجی رابطے کی ویب سائٹ ٹویٹر پر وزیر اعظم عمران خان نے کہا ہے کہ آج متحدہ عرب امارات میں موجود سری لنکا کے صدر گوٹابایا راجا پاکسے سے بات کی، سیالکوٹ میں پریانتھا دیوادانہ کے لرزہ خیز قتل پر پاکستانی عوام کے لوگوں کے غم و غصے اور شرمندگی کا بتایا۔

وزیراعظم نے کہا کہ ہم نے سری لنکن کے صدر کو 100 سے زائد لوگوں کو گرفتار کرنے کی اطلاع دی اور یقین دہانی کرائی کہ ملزمان کے خلاف قانون کی پوری قوت کے ساتھ مقدمہ چلایا جائے گا۔

Spoke to Sri Lankan President Gotabaya Rajapaksa today in UAE to convey our nation's anger & shame to people of Sri Lanka at vigilante killing of Priyantha Diyawadana in Sialkot. I informed him 100+ ppl arrested & assured him they would be prosecuted with full severity of the law
— Imran Khan (@ImranKhanPTI) December 4, 2021