اسکول انتظامیہ نے واقعے پر معافی مانگ لی، فوٹو: ویڈیو گریب
عالمی خبر رساں ادارے کے مطابق مانچسٹر کے اولڈیم اکیڈمی کی ویڈیو وائرل ہوئی ہے جس میں اسکول کے باہر کھلے آسمان تلے مسلم طلبا نماز ادا کر رہے ہیں جس پر صارفین نے اسکول انتظامیہ کو کڑی تنقید کا نشانہ بنایا ہے۔
اسکول کے طلبا نماز جمعہ ادا کرنا چاہتے تھے تاہم ایک استاد نے انھیں اسکول میں نماز کی ادائیگی سے روک دیا جس پر طلبا مجبوراً اسکول کے باہر سڑک پر نماز پڑھنے پر مجبور ہوئے۔
ایک طالب علم نے بتایا کہ اسکول کا ایک کمرہ نماز کے لیے مختص ہے اور ہم وہاں کافی عرصے سے عبادت کر رہے ہیں لیکن اس بار ایک استاد نے ہمیں نہ صرف نماز سے روکا بلکہ نماز کے لیے کمرہ استعمال کرنے پر غصے کا اظہار بھی کیا۔
Muslim students at @OldhamAcademy were allegedly kicked out of a classroom while they were praying Jumuah during lunch time, resulting in them praying outside in the cold. @OldhamAcademy Academy issued the following statement on Thursday:https://t.co/IMbh77raVD pic.twitter.com/a5KXahwgk8
— 5Pillars (@5Pillarsuk) December 3, 2021
اسکول نے طلبا کی شکایت اور ویڈیو وائرل ہونے پر واقعے کی تحقیقات کا آغاز اعلان کرتے ہوئے کہا کہ ہم اس پر مخلصانہ معافی چاہتے ہیں۔ ہمیں اپنے ملک کی تمام ثقافتوں پر فخر ہے اور ہم کبھی طلباء کو نماز پڑھنے سے نہیں روکتے۔
مقامی کونسل کی رکن عروج شاہ کا کہنا ہے کہ اس معاملے پر اسکول انتظامیہ سے بات کی تو انھوں نے واقعے پر معافی مانگی اور والدین کو وضاحتی خط لکھنے کا وعدہ کیا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔