کرپشن پر حکومت کی برداشت کی حد صفر ہے وزیراعلی بلوچستان

UDINE:
وزیراعلی بلوچستان عبدالقدوس بزنجو کا کہنا ہے کہ کرپشن پر حکومت کی برداشت کی حد صفر ہے۔

ایکسپریس نیوز کے مطابق وزیر اعلی بلوچستان میر عبدالقدوس بزنجو سے ڈی جی نیب بلوچستان فرمان اللہ خان نے ملاقات کی، جس میں باہمی دلچسپی کے دیگر امور کے علاوہ بدعنوانی کی روک تھام کے اقدامات پر تبادلہ خیال کیا گیا۔ جب کہ کرپشن کے خلاف متعلقہ صوباء محکموں اور نیب کے مابین مربوط روابط کے قیام پر اتفاق کیا گیا۔


وزیراعلی بلوچستان نے بدعنوانی کے سد باب کے لئے نیب کی کاوشوں کی تعریف کرتے ہوئے کہا کہ بدعنوانی پر قابو پائے بغیر انصاف اور خوشحالی پر مبنی معاشرے کے قیام کا مقصد حاصل نہیں ہو سکتا، کرپشن پر حکومت کی برداشت کی حد صفر ہے۔

عبدالقدوس بزنجو کا کہنا تھا کہ ترقیاتی وسائل کا صیح استعمال صوبا ئی حکومت کی اولین ترجیح ہے، منصوبوں کے فنڈز کے صیح استعمال کو ہر صورت یقینی بنائیں گے، صوبائی محکمہ انسداد بدعنوانی اور وزیراعلی معائینہ ٹیم کو کرپشن کے خلاف مزید فعال کیا جا ئے گا۔