48 گھنٹوں کے دوران ڈنگی کے مزید27 کیس رپورٹ

رواں سال سندھ میں ڈنگی کے باعث 25 اموات ہوچکی ہیں،محکمہ صحت۔ فوٹو:فائل

---

ISLAMABAD: سندھ بھر میں گزشتہ 48 گھنٹوں کے دوران ڈنگی کے مزید27 کیس رپورٹ ہوئے جن میں سے23 کا تعلق کراچی سے ہے۔

سندھ میں رواں سال اب تک ڈنگی کے 6259 کیس رپورٹ ہوچکے ہیں جبکہ اموات کی تعداد 25 ہے، محکمہ صحت سندھ کے مطابق گزشتہ 48گھنٹوں کے دوران حیدرآباد سے 3، تھرپارکر سے 1 ڈنگی کا کیس رپورٹ ہوا ہے، سندھ میں 9 دسمبر تک ڈنگی کے 342 کیس رپورٹ ہوچکے ہیں۔

کراچی کے ضلع شرقی سے 79، ضلع وسطی سے 65، ضلع کورنگی سے 46، ضلع جنوب سے 35، ضلع غربی سے 26 اور ضلع ملیر سے 24 کیس رپورٹ ہوئے ہیں۔

رواں سال سندھ میں جنوری تا 6 دسمبر تک ڈنگی کے کل 6259 کیس رپورٹ ہوچکے ہیںجبکہ رواں سال سندھ میں اب تک ڈنگی کے باعث 25 اموات ہوچکی ہیں۔