اداکار شان کا وزیر اعظم سے پاکستان میں بھارتی فلمیں ریلیز نہ کرنے کا مطالبہ

احترام اور مساوات کسی بھی تجارت میں ایک اہم حصہ ہونا چاہئے، اداکار شان

ویب ڈیسک December 12, 2021

مہربانی کرکے پاکستان کی ثقافتی سرحدوں کی حفاظت کریں، اداکار شان فوٹوفائل

NEW DELHI: پاکستانی سپر اسٹار شان شاہد نے وزیراعظم عمران خان سے پاکستان میں بھارتی فلمیں ریلیز نہ کرنے کا مطالبہ کیا ہے۔

اداکار شان نے یہ مطالبہ گزشتہ روز ٹوئٹر پر کیا۔ انہوں نے ٹوئٹر پر وزیراعظم عمران خان کو مخاطب کرتے ہوئے لکھا مہربانی کرکے پاکستان کی ثقافتی سرحدوں کی حفاظت کریں۔

انہوں نے مزید لکھا پاکستان میں بھارت کی کوئی بھی فلم ریلیز نہ کی جائے، جیسا کہ بھارت نے پاکستانی گلوکاروں، آرٹسٹوں، فلم اور موسیقی سمیت تمام پاکستانی مواد پر اپنے ملک میں پابندی عائد کردی ہے۔ احترام اور مساوات کسی بھی تجارت میں ایک اہم حصہ ہونا چاہئے۔

@ImranKhanPTI pls protect the cultural borders of Pakistan .. no Indian origin film should be released in Pakistan . As india has banned all the Pakistani content including singers artists films and music.. respect and equality must be a pivotal part in any trade.
— Shaan Shahid (@mshaanshahid) December 11, 2021