یوٹیوب ویڈیو میں شامل اہم مقامات کی خودکار تفصیلات کی آزمائش

یوٹیوب مشہور مقامات کا لنک ازخود فراہم کرے گی جبکہ دوسرا آپشن ’آٹو چیپٹرز‘ کی صورت میں پیش کیا گیا ہے

ویب ڈیسک December 13, 2021

یوٹیوب نے ویڈیو میں نظرآنے والے اہم مقامات اور اشیا کی تفصیل ازخود شامل کرنے کا آپشن پیش کردیا ہے۔ فوٹو: فائل

کراچی: یوٹیوب نے ایک نئے آپشن کی آزمائش شروع کردی ہے جس کے تحت ویڈیو میں شامل اہم مقامات کو ازخود واضح کرکے اس کی مختصرمعلومات کا اضافہ کیا جاسکتا ہے۔

دوسری جانب ایک اور فیچر کی آزمائش بھی کی جارہی ہے جس کےذریعے ویڈیو بنانے والے اپنے آٹو چیپٹرز کو ایڈٹ کرسکتے ہیں اور ان میں مزید تفصیلات یا لنک کا اضافہ بھی کرسکتے ہیں۔ یوٹیوب کے مطابق اس طرح کاروبار اور تجارت کے لیے یہ بہت مفید ثابت ہوتا۔

یوٹیوب نے اپنے بلاگ، یوٹیوب نوٹس میں کہا ہے کہ' یہ نیا فیچر ویڈیو کے نیچے وضاحتی گوشے (ڈسکرپشن باکس) میں ظاہر ہوگا۔ اس کی بدولت دیکھنے والے اس مقام سے آگاہ ہوسکیں گے۔'

اس سے قبل یوٹیوبر کو ہی اہم مقامات کی تفصیلات ویڈیو میں شامل کرنا پڑتی تھیں۔ لیکن یوٹیوب الگورتھم کی وجہ سے اب یہ فیچر خودکار انداز میں کام کرے گا۔ لیکن پہلے کھانے پینے کی اشیا اور مقامات کی آزمائش کی جائے گی۔

کیلکشنز کا اضافہ

یوٹیوب نے 'کلیکشنز' کے نام سے ایک اور فیچر کی آزمائش شروع کی ہے جس میں آپ کے پسندکردہ چینلز کی بنا پر اسی طرح کی ویڈیوز یا چینل سامنے آئیں گے۔ مثلاً سائنس اور کمپیوٹرپر معلومات کے چینل سبسکرائبر کے سامنے ایسے ہی مزید یوٹیوب چینل اور ویڈیونمودار ہوں گی۔

اس کے علاوہ اب یوٹیوبر اپنی ویڈیو کے حصوں یا چیپٹرز کو بھی آسانی سے ایڈٹ کرسکتے ہیں۔ بہت سے تخلیق کاروں نے اس کی شکایت کی ہے۔