ہٹ دھرم بھارت نے مسئلہ کشمیر پر اقوام متحدہ کی ثالثی پھر مسترد کردی

مسئلہ کشمیر پر اقوام متحدہ سمیت کسی تیسرے فریق کو مداخلت کرنے کی اجازت نہیں دے سکتے۔ فوٹو: فائل

---

بھارت نے مسئلہ کشمیر پر اقوام متحدہ کی جانب سے ثالثی کے بیان کو مسترد اور مقبوضہ کشمیر کو اٹوٹ انگ کہنے کا راگ الاپتے ہوئے کہا ہے کہ وہ اس مسئلے پر کسی تیسرے فریق کی مداخلت برداشت نہیں کرے گا۔

بھارتی وزارت خارجہ کے ترجمان کی جانب سے جاری بیان میں کہا گیا ہے کہ اقوام متحدہ کے جس ترجمان نے مسئلہ کشمیرپر ثالثی کے حوالے سے بیان جاری کیاہے کہ وہ پاکستانی باشندہ ہے۔ بھارت اپنے اصولی موقف پرقائم ہے کہ کشمیر اس کا اٹوٹ انگ ہے اور مسئلہ کشمیر پر اقوام متحدہ سمیت کسی تیسرے فریق کو مداخلت کرنے کی اجازت نہیں دے سکتا۔



ترجمان نے مزیدکہا کہ ماضی میں بھی پاکستان کی جانب سے کشمیرکے بارے میں اس طرح کے بیانات دیے گئے جنھیں بھارت نے باربار مسترد کیاہے اوراقوام متحدہ کے ترجمان کے بیان کوبھی ہم ماننے کے لیے تیارنہیں اور اسے ردی کی ٹوکری میں ڈال دیتے ہیں۔