شہریوں کو نشہ آور چیزیں کھلا کر لوٹنے والا ملزم گرفتار

ملزم سہیل اقبال کے قبضہ سے نشہ آور مواد بھی برآمد کرلیا گیا ہے، پولیس حکام۔ فوٹو:فائل

---

LONDON: نشہ آور چیزیں کھلا کر شہریوں کو لوٹنے والا ملزم گرفتار کرلیا گیا۔

ایکسپریس نیوز کے مطابق لاہور کے علاقے راوی روڈ پولیس نے کارروائی کرتے ہوئے سادہ لوح شہریوں کو نشہ آور چیزیں کھلاکر نوسر بازی کر کے لوٹنے والا ملزم گرفتار کرلیا۔

ایس پی سٹی رضوان طارق کا کہنا ہے کہ ملزم سہیل اقبال کے قبضہ سے نشہ آور مواد بھی برآمد کرلیا گیا ہے، ریکارڈ یافتہ ملزم نے لاہور کے مختلف علاقوں میں وارداتوں کا انکشاف کیا ہے، جب کہ پنجاب کے دیگر اضلاع سے آنے والے مسافروں سمیت مقامی لوگوں کے ساتھ بھی نوسر بازی کرتا تھا، ملزم کو گرفتار کر کے انویسٹی گیشن ونگ کے حوالے کردیا گیا ہے۔