اسمارٹ فونز کے 5 دلچسپ پوشیدہ آپشنز جو بہت کم لوگ جانتے ہیں

آج تقریباً سبھی کے پاس اسمارٹ فونز ہیں لیکن کمپیوٹر صارفین کی طرح بہت کم لوگ اس کے تمام آپشنز سے واقف ہوں گے

ویب ڈیسک December 14, 2021

[فائل-فوٹو]

RAWALPINDI: آج تقریباً سبھی کے پاس اسمارٹ فونز ہیں لیکن بہت کم لوگ اس کے تمام آپشنز سے واقف ہوں گے اور آپشنز بھی ایسے جو آپ کیلئے مزید آسانیاں پیدا کریں۔

1) ملٹی ٹاسکنگ اسکرین

یہ آپشن کئی کاموں کو ایک ساتھ کرنے میں مدد دیتا ہے یعنی 2 ایپلیکیشنز کو آپ بیک وقت استعمال کرسکتے ہیں۔ سیٹنگز میں اباؤٹ فون میں جاکر ڈیویلپر آپش پر کلک کریں اور نیچے اسکرول کرتے ہوئے force activities to be resizable پر آجائیں اور اسے activate کردیں۔ اینڈروئیڈ اسکرین کے نیچے 3 بٹنز میں سے ایپس والا بٹن دبائیں اور جو ایپس آپ بیک وقت استعمال کرنا چاہ رہے ہیں اسے drag کرتے ہوئے مقرر کردہ جگہ لے آئیں۔

2) ایپ لاک

اس کیلئے لوگ لاک ایپلی کیشنز کا استعمال کرتے ہیں جبکہ فون میں بلٹ-اِن آپشن موجود ہوتا ہے۔ آپ سیٹنگ میں جائیں اور اسکرین پننگ آپشن کو آن کردیں، اپنا پاسورڈ لگائیں پھر اس کے بعد اس ایپ کو کھولیں جو آپ کے دوست و احباب استعمال کرتے ہیں۔ اس کے بعد اسکرین کے نیچے دیئے گئے ایپس بٹن کو دبائیں، نیچے سیدھے ہاتھ پر پن کا آئکن بنا آرہا ہوگا۔ اسے دبادیں۔ اب آپ کے دوست و احباب صرف اسی ایپ کو استعمال کرسکتے ہیں اور اسے اسکرین سے نہیں ہٹا سکتے۔ جب تک آپ اپنا پاسورڈ نہیں لگائیں گے۔

3) بار بار فون کو اَن-لاک کرنے جھنجٹ

خوش قسمتی سے اینڈروئیڈ فونز میں اسمارٹ لاک آپشن پرانے وقتوں سے ہے۔ اس میں 3 قسم کے آپشن ہیں جن کی مدد سے جب تک فون آپ کے پاس رہے گا اس وقت تک فون اَن لاک رہے گا۔ سیٹنگز میں جائیں اور سیکورٹی اینڈ پاسورڈ پر کلک کریں۔ اسمارٹ لاک کا آپشن نظر آرہا ہوگا۔ اس میں باڈی ڈٹیکشن کو استعمال کرسکتے ہیں یعنی اَن لاک کے بعد جب تک فون آپ کے پاس رہے گا، لاک نہیں ہوگا۔ اسی طرح سے ٹرسٹد فیس میں آپ کا چہرہ فرنٹ کیمرے سے شاخت ہونے کے بعد اَن لاک رہے گا۔

4) تمام نوٹیفیکیشن کو کلیئر کرنے کی غلطی

جب آپ اسکرین پر آئی نوٹیفیکیشن کو صاف کردیتے ہیں تو آخر میں آپ کی نظر ضروری نوٹی فیکیشن پر پڑتی ہے لیکن اس وقت بہت دیر ہوچکی ہوتی ہے۔ اس کا حل یہ ہے کہ آپ اسکرین پر انگلی دبائے رکھیں۔ widgets کا آپشن کھل جائے گا۔ اس میں سیٹنگ کے widget کو سلیکٹ کریں۔ آپ دیکھیں گے کہ اس میں نوٹی فیکیشن لاگ کا آپشن آرہا ہوگا۔ یہاں سے آپ پرانی نوٹی فیکیشن کو دیکھ سکتے ہیں۔

5) وائی فائی ڈائریکٹ

بلوٹوتھ سے فائلز شیئر کرنے کی جھنجٹ اب ختم کریں اور وائی فائی ڈائریکٹ کو استعمال کریں۔ اس میں فاصلے کی بھی پریشانی نہیں ہوتی جیسے بلوٹوتھ میں ہوتی ہے۔ اس کیلئے سیٹنگز میں جائیں اور کنیکشن آپشن پر کلک کریں۔ وہاں جب آپ وائی فائی آپشن کو کھولیں گے تو وائی فائی ڈائریکٹ کا آپشن آپ کو دے رہا ہوگا۔ اسے آن کردیں۔ اب ہر فائل آپ وائی فائی ڈائریکٹ سے شیئر کرسکتے ہیں۔