کراچی میں قتل لڑکی کے لواحقین کا مقدمہ درج کرانے سے انکار

قتل کا مقدمہ سرکاری مدعیت میں درج کیا گیا

---

نیوکراچی میں چھری کے پے درپے وار کر کے نوجوان لڑکی کو قتل کرنے کا مقدمہ نامزد ملزم کے خلاف بلال کالونی تھانے میں درج کرلیا گیا۔

منگل کو بلال کالونی تھانے کے علاقے نیو کراچی سیکٹر فائیوجے اقصیٰ مسجد کے قریب چھری کے پے درپے وارکرکے نوجوان لڑکی 27 سالہ صباء ولد محمد اسلم کو قتل کرنے کے واقعہ کامقدمہ الزام نمبر 2021/1027 بجرم دفعہ 302 کے تحت بلال کالونی تھانے میں درج کر لیا گیا۔

یہ بھی پڑھیں: کراچی میں کچرا پھینکنے اور گٹر کی صفائی کے مسئلے پر لڑکی قتل

مقتولہ کے اہلخانہ نے انکار مقدمہ درج کرانے سے انکار کردیا تھا جس کے بعد سرکاری مدعیت میں کیس درج کرلیاگیا۔ مقدمے میں مقتولہ کے محلے دار ملزم غضنفر عرف مان عرف مانٹرا ولد صابر کو نامزد کیا گیا ہے،پولیس کے مطابق ملزم غضنفرمقتولہ کوقتل کرکے فرارہے جس کی گرفتاری کے لیے چھاپے مارے جا رہے ہیں ۔