حافظ آباد میں باراتیوں کی بس گہری کھائی میں جاگری 25 افراد زخمی

باراتیوں کی بس کوٹ اسحاق میں موٹر سائیکل سواروں کو بچاتے ہوئے تیز رفتاری کے باعث بے قابو ہوکر کھائی میں گری فوٹو: فائل

---

کوٹ اسحاق میں باراتیوں سے بھری بس کھائی میں جاگری جس کے نتیجے میں 25 افراد زخمی ہوگئے۔

ایکسپریس نیوز کے مطابق علی پور چٹھہ سے پنڈی بھٹیاں جانے والے باراتیوں کی بس حافظ آباد کے علاقے کوٹ اسحاق میں موٹر سائیکل سواروں کو بچاتے ہوئے تیز رفتاری کے باعث بے قابو ہوکر گہری کھائی میں جاگری جس کے نیتجے میں 25 باراتی زخمی ہوگئے۔

حادثے کے بعد ریسکیو اہلکاروں نے امدادی کارروائیاں کرتےہوئے زخمی باراتیوں کو طبی امداد کےلئے ڈی ایچ کیو اسپتال منتقل کردیا جہاں بعض زخمیوں کی حالت تشویش ناک بتائی جارہی ہے۔