بھارت فوجی ہیلی کاپٹر حادثے میں زندہ بچ جانے والے واحد افسر بھی دم توڑ گئے

گروپ کیپٹن ورون سنگھ کو جسم بری طرح جل گیا تھا اور وہ 8 دسمبر سے وینٹی لیٹر پر تھے

ویب ڈیسک December 15, 2021

وروم سنگھ بری طرح جھلس گئے تھے اور وینٹی لیٹر پر تھے، فوٹو: فائل

کراچی: بھارتی فضائیہ کے ہیلی کاپٹر حادثے میں 14 افسران میں سے تنہا بچ جانے والے گروپ کیپٹن ورون سنگھ بھی زخموں کی تاب نہ لاتے ہوئے دم توڑ گئے۔

انڈین ایئرفورس کے آفیشل ٹوئٹر اکاؤنٹ سے کی جانی والی ٹوئٹ میں بتایا گیا ہے کہ 8 دسمبر کو ہیلی کاپٹر حادثے میں زندہ بچ جانے والے آفیسر گروپ کیپٹن ورون سنگھ دوران علاج زخموں کی تاب نہ لاتے ہوئے چل بسے۔

یہ خبر بھی پڑھیں : بھارتی فضائیہ کے ہیلی کاپٹر حادثے میں بچ جانے والے واحد آفیسر کون ہیں ؟

حادثے والے دن ورون سنگھ کو شدید زخمی حالت میں بنگلور کے فوجی اسپتال میں منتقل کیا گیا تھا جہاں اُن کی تشویشناک حالت میں بہتری نہیں آرہی تھی۔ ان کا جسم بری طرح جل گیا تھا اور وہ وینٹی لیٹر پر تھے۔

IAF is deeply saddened to inform the passing away of braveheart Group Captain Varun Singh, who succumbed this morning to the injuries sustained in the helicopter accident on 08 Dec 21. IAF offers sincere condolences and stands firmly with the bereaved family.
— Indian Air Force (@IAF_MCC) December 15, 2021

یاد رہے کہ بھارتی فضائیہ کا ایم آئی 17 ہیلی کاپٹر تامل ناڈو میں ملٹری کالج کے نزدیک جنگل میں گر کر تباہ ہوگیا تھا جس میں بھارتی فوج کے چیف آف ڈیفنس اسٹاف جنرل بپن راوت اور اُن کی اہلیہ سمیت 13 افراد ہلاک ہو گئے تھے۔

یہ خبر بھی پڑھیں : بھارتی فضائیہ کا ہیلی کاپٹر تباہ، جنرل بپن راوت سمیت 13 افراد ہلاک

ہلاک ہونے والے تمام افسران اور عملہ اہم ذمہ داریوں پر فائز تھے اور جنرل پبن راوت کے انتہائی وفادار اور قریبی ساتھی سمجھے جاتے تھے۔