لاہور میں شدید دھند پی آئی اے کی پروازیں اسلام آباد لینڈ کرانے کا فیصلہ

BENGALURU:
صوبائی دارالحکومت لاہور میں شدید دھند کے باعث قومی ایئر لائن کی پروازیں اسلام آباد ایئرپورٹ لینڈ کرانے کا فیصلہ کیا گیا ہے۔

پی آئی اے کی انتظامیہ نے لاہور میں شدید دھند کے باعث پروازوں کے شیڈول میں تبدیلی کر دی، صوبائی دارالحکومت کی بعض پروازوں کی آمد و روانگی اب اسلام آباد سے آپریٹ کی جائے گی۔


حکام کے مطابق مدینہ سے آج لاہور آنے والی پرواز پی کے 9716 اور کل جدہ سے لاہور آنے والی پرواز پی کے 9712، دبئی سے لاہور کی پرواز پی کے 234 اسلام آباد ایئرپورٹ لینڈ کریں گی۔

ترجمان پی آئی اے کے مطابق کل لاہور سے مدینہ کی پرواز پی کے 9743، لاہور سے مدینہ کی پرواز پی کے 9739، لاہور سے دبئی کی پرواز پی کے 203 اسلام آباد سے روانہ ہوں گی، پروازوں کی آمد ورفت میں تبدیلی کے فیصلوں کے حوالے سے مسافروں کو آگاہ کردیا گیا ہے۔