مذاکرات کے عمل میں جلد بازی نہیں بلکہ اسے بتدریج آگے بڑھایا جائے گا ترجمان طالبان

مذاکرات کے دوران آنے والی تلخیوں پر دونوں فریقین کو صبرو تحمل کا مظاہرہ کرنا ہوگا، شاہد اللہ شاہد

ویب ڈیسک February 10, 2014

طالبان رابطہ کمیٹی کی نگراں شوریٰ سے ملاقات سے متعلق طالبان کی اعلیٰ قیادت کو آگاہ کردیا گیا ہے، ترجمان طالبان فوٹو: فائل

تحریک طالبان کے ترجمان شاہد اللہ شاہد نے کہا ہے کہ مذاکرات کا عمل بتدریج آگے بڑھایا جائے گا اور اس میں کسی قسم کی جلد بازی نہیں کی جائے گی۔

ایکسپریس نیوز کے مطابق شاہد اللہ شاہد نے کہا کہ طالبان کمیٹی کے اراکین نے طالبان کی نگراں شوریٰ سے ملاقات کی جس سے متعلق طالبان کی اعلیٰ قیادت کو آگاہ کردیا گیا ہے تاہم رابطہ کمیٹی سے بات چیت پر مکمل غورو خوض کے بعد ان کو مثبت جواب دیں گے۔ انہوں نے کہا کہ رابطہ کمیٹی سے ملاقات میں مذاکراتی عمل کو بہتر بنانے کے لئے ابتدائی مطالبات بھی پیش کئے گئے لیکن اس دوران آنے والی تلخیوں پر دونوں فریقین کو صبرو تحمل کا مظاہرہ کرنا ہوگا اور سوچ سمجھ کر قدم اٹھانا ہوگا۔