ایس بی سی اے نے 19 پروجیکٹ غیر قانونی قرار دیدیے

زبیدہ ریزیڈینسی، فاطمہ ریزیڈینسی،میمن ریزیڈینسی فیز 2، سرجانی ڈریم سٹی،العارف ریزیڈینسی،گیٹ وے گرین سٹی ودیگر شامل

Staff Reporter December 17, 2021

شہری پروجیکٹ کی قانونی حیثیت کی تصدیق ضرور کریں،خریداری وبکنگ کامعاہدہ ایس بی سی اے ماڈل ایگریمنٹ پرکیاجائے ۔ فوٹو: فائل

کراچی: سندھ بلڈنگ کنٹرول اتھارٹی نے خلاف ضابطہ 19 پرائیویٹ پبلک سیل پروجیکٹس کی نشاندہی اوران میں جاری خریدوفروخت اور تشہیری مہم کوغیرقانونی قراردیتے ہوئے عوام الناس کوان میں سرمایہ کاری سے متعلق متنبہ کیاہے۔

تفصیلات کے مطابق ڈائریکٹرجنرل ایس بی سی اے کی خصوصی ہدایات پرڈائریکٹرڈیزائین سیکشن نے شہرکے مختلف علاقوں میں خلاف ضابطہ 19،پبلک سیل پروجیکٹس کی فہرست جاری کردی گئی ہے جہاں مختلف ذرائع ابلاغ پر غیرقانونی تشہیری مہم کے ذریعے عوام الناس سے پروجیکٹس میں خریدوفروخت یابکنگ وغیرہ کے نام پررقوم وصول کی جارہی ہے۔

عوامی مفاد میں ایس بی سی اے کی جانب سے جاری کردہ فہرست میں غیرقانونی پروجیکٹ زبیدہ ریزیڈینسی واقع سرجانی ٹاؤن،پروجیکٹ فاطمہ ریزیڈینسی واقع سروے نمبر 59,60,61،سرجانی ٹاؤن،پروجیکٹ میمن ریزیڈینسی فیز 2،واقع سرجانی ٹاؤن،پروجیکٹ فاطمہ ڈریم سٹی فیز 2،فیز3اورفیز4،میمن گوٹھ ملیر،پروجیکٹ سرجانی ڈریم سٹی واقع دیہہ سرجانی،پروجیکٹ مروہ ہل ولاز واقع دیہہ منگھوپیرڈسٹرکٹ ویسٹ،پروجیکٹ رومائسہ سٹی واقع دیہہ بندمراد ناردن بائی پاس ڈسٹرکٹ ویسٹ،پروجیکٹ العارف ریزیڈینسی میسرہائی اینڈواقع گلشن معمار،پروجیکٹ الہدیٰ واقع سرجانی ٹاؤن،پروجیکٹ جمیلہ گارڈن واقع سرجانی،پروجیکٹ گیٹ وے گرین سٹی واقع حب ریورروڈ بلمقابل رئیس گوٹھ،پروجیکٹ انابیہ سٹی واقع بن قاسم ٹاؤن،پروجیکٹ جیوگارڈن اینڈ ہاؤسنگ سوسائٹی واقع بن قاسم ٹاؤن،پروجیکٹ کورنگی گرینز واقع بن قاسم ٹاؤن،پروجیکٹ گرین لینڈ سٹی واقع بن قاسم ٹاؤن،پروجیکٹ نیوجوڑیابازار واقع ناردن بائی پاس،پروجیکٹ سینان ہومز واقع تیسرٹاؤن ناردن بائی پاس کے ڈی اے اسکیم نمبر45، پروجیکٹ پرَل ریزیڈینسی واقع تیسرٹاؤن ناردن بائی پاس کے ڈی اے اسکیم نمبر45 اور پروجیکٹ سحرہیون واقع سرجانی ٹاؤن کے نام شامل ہیں۔

ایس بی سی اے کی ایک پریس ریلز میں واضح کیاگیاہے کہ مذکورہ بالا تمام پروجیکٹس اور ان میں جاری ہر قسم کی خرید وفروخت وتشہیری مہم وغیرہ غیرقانونی ہے جبکہ اس سلسلے میں عوام الناس کو ان کے اپنے مفاد میں متنبہ کیاجاتاہے کہ ان پروجیکٹس میں سرمایہ کاری نہ کی جائے بصورت دیگراپنے نقصان کے وہ خود ذمہ دار ہوں گے،مزید براں ایس بی سی اے نے شہریوں سے درخواست کی ہے کہ کسی بھی پروجیکٹ میں پلاٹ /فلیٹ/بنگلوز/دکان /یونٹ کے زمرے میں سرمایہ کاری یابکنگ وغیرہ سے قبل ایس بی سی اے سے اس پروجیکٹ کی قانونی حیثیت کی تصدیق ضرور کریں اورخریداری وبکنگ کامعاہدہ ایس بی سی اے کے ماڈل ایگریمنٹ پرہی کیاجائے۔