پریانکا اپنا تعارف بطور نک جونس کی اہلیہ کرائے جانے پر برہم

میری پہچان نک جونس کی اہلیہ سے کئی زیادہ ہے، اداکارہ - فوٹو:فائل

---

معروف بھارتی اداکارہ پریانکا چوپڑا نے میڈیا کی جانب سے اپنا تعارف نک جونس کی اہلیہ کے طور پر کرائے جانے پر شدید برہمی کا اظہار کیا ہے۔

پریانکا چوپڑا نے انسٹاگرام پر اپنی نئی فلم 'ڈی میٹرکس' پر لکھے گئے ایک تجزیے کا حوالہ دیتے ہوئے کہا کہ یہ بہت دلچسپ بات ہے کہ میں اب تک کی سب سے مشہور فلم فرنچائزز کی پروموشن میں مصروف ہوں مگر اس کے باوجود میرا حوالہ نک جونس کی اہلیہ کے طور پر دیا جاتا ہے، میری پہچان نک جونس کی اہلیہ سے کئی زیادہ ہے۔

اداکارہ نے کہا کہ برائے کرام اس امر کی وضاحت کی جائے کہ ایسا اب تک خواتین کے ساتھ کیوں ہوتا ہے، کیا مجھے بائیو میں اپنا انٹرنیٹ مووی ڈیٹا بیس (IMDb) لنک شامل کرنے کی ضرورت ہے۔



پریانکا چوپڑا نے انسٹاگرام پوسٹ میں اپنے شوہر اور گلوکار نک جونس کو بھی مینشن کیا تاہم نک جونس کی جانب سے کوئی ردِ عمل سامنے نہیں آیا۔