سیہون سید اویس مظفر کی درگاہ لعل شہباز پر حاضری

فاتحہ خوانی ، پھولوں کی چادر چڑھائی ، ترقیاتی کاموں کو جلد مکمل کرنے کی ہدایت۔ فوٹو:فائل

---

RAWALPINDI: ایم پی اے اویس مظفر کی درگاہ قلندر لعل شہباز پر حاضری ، تفصیلات کے مطابق پی پی ایم پی اے سید اویس مظفر نے قلندر شہباز کی مزار پر حاضری دی۔

فاتحہ خوانی کی اور پھولوں کی چادر چڑھائی ، بعدازاں درگاہ پر جاری تعمیراتی کام کا جائزہ لیا۔ اس موقعے پر متعلقہ حکام کی جانب سے کام کے حوالے سے مکمل بریفنگ دی گئی ، اویس مظفر نے متعلقہ حکام کو کام جلد مکمل کرنے کی ہدایت دی ۔



معائنے کے دوران انھوں نے گبند سے گرنیوالی طلائی اینٹوں کے متعلق معلومات بھی حاصل کیں ۔ ایم پی اے کی آمد سے 7 گھنٹے قبل ہی درگاہ کو عام زائرین سے خالی کراکر سیل کردیا گیا جس کی وجہ سے زائرین کو شدید مشکلات کا سامنا کرنا پڑا ، اس موقع پر سیکیورٹی کے سخت انتظامات کرکے پولیس کی بھاری نفری تعینات کی گئی تھی ۔