شیرشاہ دھماکے میں ایم این اے عالمگیر خان کے والد بھی جاں بحق

شیر شاہ دھماکے میں 14 افراد جاں بحق جبکہ متعدد زخمی ہیں ۔ فوٹو : فائل

---

کراچی کے علاقے شیرشاہ میں ہونے والے دھماکے میں ایم این اے عالمگیر خان کے والد بھی جاں بحق ہوگئے۔

صوبائی اسمبلی کے رکن اور پاکستان تحریک انصاف کے رہنما راجہ اظہر نے تصدیق کرتے ہوئے کہا ہے کہ شیرشاہ دھماکے میں جاں بحق افراد میں ایم این اے عالمگیر خان کے والد بھی شامل ہیں۔ راجہ اظہر نے کہا کہ عالمگیرخان کے والد کا شیرشاہ مارکیٹ میں شوروم تھا۔

یہ بھی پڑھیں :کراچی کے علاقے شیر شاہ میں دھماکا، 11 افراد جاں بحق

واضح رہے شیر شاہ میں پراچی چوک کے قریب نالے پر بنے نجی بینک میں دھماکے سے 14 افراد جاں بحق جبکہ متعدد زخمی ہوگئے۔ ترجمان کراچی پولیس کے مطابق ابتدائی طور پر دھماکا گیس پائپ لائن پھٹنے سے ہوا ہے، گیس پائپ لائن نالے کے نیچے سے گزر رہی تھی اور دھماکا نالے میں گیس بھرنے سے ہوا تاہم حتمی طور پر کہنا قبل ازوقت ہے۔