بی جے پی کے رکن پارلیمنٹ نے نوجوان ریسلر کو اسٹیج پر تھپڑ جڑ دیا

بی جے پی رہنما ریسلر کے مقابلے میں شامل کرنے کے اصرار پر آپے سے باہر ہوئے - فوٹو:اسکرین گریپ

---

بھارت میں ایک تقریب کے دوران حکمران جماعت بھارتیہ جنتا پارٹی (بی جے پی) کے رکن پارلیمنٹ نے نوجوان ریسلر کو اسٹیج پر تھپڑ جڑ دیا۔

بھارتی میڈیا کے مطابق ریاست جھارکھنڈ میں نیشنل ریسلنگ چیمپئن شپ کی تقریب جاری تھی جس میں بی جے پی رکن پارلیمنٹ و صدر بھارتی ریسلنگ فیڈریشن برج بھوشن شرن سنگھ کو بطور مہمانِ خصوصی بلایا گیا تھا۔

تقریب کے دوران زیادہ وزن ہونے کے سبب ریسلنگ مقابلے سے باہر ہو جانے والے ریسلر نے اسٹیج پر جا کر برج بھوشن شرن سنگھ سے درخواست کی کہ مجھے مقابلے میں شامل کیا جائے۔

BJP सांसद व भारतीय कुश्ती संघ के अध्यक्ष बृजभूषण शरण सिंह ने रांची में अंडर-15 नेशनल कुश्ती चैंपियनशिप के दौरान मंच पर एक युवा पहलवान को थप्पड़ जड़ दिया। वीडियो वायरल… pic.twitter.com/Tlm6LpXSHG

— Ashraf Hussain (@AshrafFem) December 17, 2021

بی جے پی رکن پارلیمنٹ کو نوجوان ریسلر کا اسٹیج پر آکر اصرار کرنا ایک آنکھ نہ بھایا اور انہوں نے اسے تھپڑ دے مارا۔ اسٹیج پر موجود دیگر مہمانوں نے نوجوان کو اسٹیج سے نیچے اتار دیا۔

سوشل میڈیا پر بی جے پی رکن پارلیمنٹ کی جانب سے نوجوان ریسلر کو تھپڑ مارنے کی شدید مذمت کی گئی۔ صارفین نے بی جے پی رہنما کے تھپڑ مارنے کے عمل کو 'طاقت کا غرور' قرار دیا۔