ایکسپریس نیوز کے مطابق یہ واقعہ کراچی کے علاقے گلشن اقبال بلاک تیرہ ڈی میں پیش آیا جہاں نشئی باپ نے رقم لے کر گیارہ سالہ بیٹی کا نکاح معذور شخص سے کرادیا۔ باپ کے ظلم کا شکار لڑکی دیگر رشتے داروں کے ہمراہ انصاف کے لیے پریس کلب پہنچ گئی، گیارہ سالہ ثنا نے میڈیا کو بتایا کہ اس کے ظالم باپ نے دو ماہ پہلے اسلحے کے زور پر معذور شخص سے نکاح کرادیا تھا جس کے بعد اسے باپ گھر میں بند کرکے رکھتا تھا لیکن آج وہ موقع ملنے پر گھر سے بھاگ کر نانی کے پاس پہنچ گئی ۔