خیبرپختون خوا کے عوام نے پی ٹی آئی کو مسترد کردیا شہبازشریف

(ن) لیگ کے صدر شہبازشریف کا کہنا ہے کہ خیبر پختون خوا کے عوام نے پی ٹی آئی کومسترد کردیا۔

شہباز شریف نے ٹوئٹ میں کہا کہ حکمران جماعت کی شکست کمر توڑ مہنگائی، اشیا کی قیمتوں میں اضافے اورکمزور گورننس کیخلاف عوام کے غصے کا اظہارہے۔

شہبازشریف نے مزید کہا کہ یہ اس تجربے کے خاتمے کی شروعات ہے جو قوم کو مہنگا پڑا ۔

واضح رہے کہ تحریک انصاف کو صوبہ خیبرپختونخوا کے بلدیاتی انتخابات میں کئی مقامات پر اپ سیٹ شکست کا سامنا کرنا پڑا جب کہ جمعیت علمائے اسلام (ف) سب سے زیادہ نشستیں حاصل کرنے میں کامیاب رہی۔