ٹائیگر شروف شوٹنگ کے دوران زخمی ہوگئے

اداکار ٹائیگر شروف ان دنوں برطانیہ میں فلم ’’گنپتھ‘‘ کی شوٹنگ میں مصروف ہیں ، فوٹوفائل

---

MADRID: بالی ووڈ اداکار ٹائیگر شروف شوٹنگ کے دوران زخمی ہوگئے اداکار نے فلم کے سیٹ سے تصویر شیئر کردی۔

اداکار ٹائیگر شروف ان دنوں برطانیہ میں فلم ''گنپتھ'' کی شوٹنگ میں مصروف ہیں جہاں سیٹ پر ان کے ساتھ ایک چھوٹا ساحادثہ پیش آیا ہے۔ شوٹنگ کے دوران وہ خود کو زخمی کروابیٹھے۔

حادثے میں ٹائیگر شروف کی آنکھ متاثر ہوئی ہے۔ ٹائیگر شروف نے اپنی زخمی آنکھ کی تصویر سوشل میڈیا پر شیئر کی ہے جس میں دیکھا جاسکتا ہے کہ ان کی آنکھ کے گرد نیل پڑا ہو اہے اور آنکھ سوج کر لال ہورہی ہے۔ تاہم ٹائیگر نے تفصیل نہیں بتائی کہ ان کے ساتھ حادثہ کیسے پیش آیا۔

واضح رہے کہ فلم ''گنپتھ'' میں ٹائیگرشروف کے ہمراہ اداکارہ کیرتی سانون اور ایلی ایورام مرکزی کردار ادا کررہی ہیں۔ فلم کے ہدایت کار وکاس بہل ہیں۔ اس ایکشن سے بھرپور فلم کی ریلیز کی تاریخ فی الحال منظرعام پر نہیں آئی۔