الجزائر میں فوجی طیارہ گرکر تباہ 103 افراد ہلاک

ریسکیو ٹیموں اور ایمبولینسز کو علاقے کی جانب روانہ کردیا گیا جو امدادی کارروائیوں میں مصروف ہیں،حکام۔ فوٹو: فائل

---

الجزائر میں میں فوجی طیارہ گرنے سے 103 افراد ہلاک ہو گئے ہیں۔

غیرملکی خبر ایجنسی کے مطابق طیارہ گرنے کا واقعہ الجزائر کے مشرقی صوبہ اوم البوگی کے پہاڑی علاقے میں پیش آیا، حادثے کے نتیجے میں 103 افراد ہلاک ہو گئے ہیں جن میں زیادہ تعداد فوجیوں کی ہے۔ مقامی حکام کے مطابق حادثے کے فوری بعد ریسکیو ٹیموں اور ایمبولینسز کو علاقے کی جانب روانہ کردیا گیا جو امدادی کارروائیوں میں مصروف ہیں۔

حکام کا کہنا تھا کہ فوری طورپر طیارہ گرنے کی وجوہات کا معلوم نہیں ہوسکا تاہم مکمل تحقیقات کے بعد ہی اصل وجوہات کا تعین کیا جاسکے گا۔