اسلام آباد میں لڑکا اورلڑکی بلیک میلنگتشددکیس میں اہم پیشرفت

آئندہ سماعت پرمتاثرہ لڑکی اورلڑکے سے وکلا جرح بھی کریں گے

ویب ڈیسک December 23, 2021

مقدمے کے مرکزی ملزم سمیت دیگرملزمان اڈیالہ جیل میں قید ہیں:فوٹو:فائل

لاہور: اسلام آباد کے سیکڑای الیون میں لڑکا اورلڑکی تشدد اوربلیک میلنگ کیس میں مقامی عدالت نے دونوں کوآئندہ سماعت پرطلب کرلیا۔

ایڈیشنل سیشن جج عطاء ربانی نے سیکڑای الیون میں لڑکا اورلڑکی پرتشدد اوربلیک میلنگ کیس میں متاثرہ لڑکے اورلڑکی کو آئندہ سماعت پرطلب کرلیا۔

متاثرہ لڑکا اورلڑکی4 جنوری کوعدالت میں پیش ہوکربیان ریکارڈ کرائیں گے۔بیان کے بعد وکلا کی جانب سے جرح کی جائے گی۔ مقدمے میں اب تک 15 گواہوں کے بیانات قلمبند اورجرح مکمل ہو چکی ہے۔

مزید پڑھیں: اسلام آباد میں لڑکا لڑکی جنسی تشدد کیس میں ملزم کی ضمانت منظور

اسلام آباد ہائی کورٹ نے سیشن عدالت کو کیس کا ٹرائل 28 فروری تک مکمل کرنے کا وقت دیا ہے۔

مقدمے کے مرکزی ملزم عثمان مرزا سمیت دیگر ملزمان اڈیالہ جیل میں قید ہیں۔ لڑکی اور لڑکے پر تشدد اور بلیک میلنگ کا مقدمہ تھانہ گولڑہ میں درج ہے۔