قائداعظم محمد علی جناحؒ کے یوم پیدائش پر پاک فضائیہ کا زبردست خراج عقیدت

یہ قائداعظم کی انتھک کاوشوں کا ہی ثمر ہے کہ آج ہم آزاد مملکت میں سانس لے رہے ہیں، ترجمان پاک فضائیہ فوٹواسکرین گریب

---

لاہور: بانی پاکستان قائداعظم محمد علی جناحؒ کے یوم پیدائش پر پاک فضائیہ نے زبردست خراج عقیدت پیش کیا ہے۔

پاک فضائیہ کے شعبہ تعلقات عامہ نے قائداعظم کے یوم پیدائش پر مختصر دورانیے کی دستاویزی فلم کا اجراء کیا ہے۔

دستاویزی فلم میں قائداعظم کو برصغیر کے مظلوم مسلمانوں کے لیے بطور امید اجاگر کیا گیا ہے۔ ترجمان پاک فضائیہ کے مطابق قائد اعظم محمد علی جناحؒ امید کی روشن کرن تھے۔ انہوں نے برصغیر کے مسلمانوں کو ایک قوم کی طرح متحد کر کے علیحدہ و آزاد وطن حاصل کیا۔

ترجمان پاک فضائیہ نے کہا یہ قائداعظم کی انتھک کاوشوں کا ہی ثمر ہے کہ آج ہم آزاد مملکت میں سانس لے رہے ہیں۔ قائداعظم نے جمہوریت، آزادی، مساوات، رواداری، سماجی انصاف کے اصولوں پر ریاست کا تصور دیا، بنیاد رکھی۔ پاک فضائیہ کو ''کوئی مقابل نہیں'' کا پائیدار وژن بھی دیا۔ قائد کا نظریہ، وژن، ایمان، اتحاد اور نظم و ضبط کے رہنما اصول، عظیم قوم بننے کے سفر میں مشعل راہ ہیں۔
[ytembed videoid="13ElHsgeQ04"]